Kennarasamband Íslands

31. ágú. 2011

Opið hús í Menntavísindasviði HÍ og aðrir viðburðir í september

Áætlað er að hafa Opið hús í húsnæði sviðsins við Stakkahlíð laugardaginn 17. september. Dagskráin er í samstarfi við leik-, grunn- og framhaldsskóla sem kynna áhugaverð verkefni sem unnið er að í skólunum. Boðið verður upp á kaffihús, upplestur, tónlistaratriði, ljósmyndasýningu, uppistand, útileiki og ýmiskonar smiðjur. Dagurinn er ætlaður allri fjölskyldunni. Meðfylgjandi er yfirlit yfir aðra viðburði á Menntavísindasviði í september og dagskrárbæklingur.
Lesa meira

30. ágú. 2011

Kjarasamningur FL

Hér má finna nýgerðan kjarasamning Félags leikskólakennara við Samband íslenskra sveitarfélaga.
Lesa meira

30. ágú. 2011

SNILLINGARNIR - Námskeið fyrir börn með ADHD

Þroska- og hegðunarstöð (ÞHS) Heilsugæslu höfuðborgarsvæðisins mun standa fyrir leiðbeinendanámskeiðum í september 2011 fyrir þá sem hafa áhuga á að halda Snillinganámskeið fyrir börn með ADHD.
Lesa meira

29. ágú. 2011

Öndvegisfyrirlesari Menntavísindasviðs HÍ

Dr. Linda Darling-Hammond prófessor í menntavísindum við Stanford háskóla í Bandaríkjunum, heldur fyrirlestur í Hátíðasal HÍ, aðalbyggingu, fimmtudaginn 1. september kl. 15:00. Fyrirlesturinn nefnist „Menntun og kennsla á 21. öld (Teaching and Learning for the 21st Century).“
Lesa meira

25. ágú. 2011

Nú er nóg komið!

„Nú er nóg komið“ er yfirskrift greinar eftir Kristínu Elfu Guðnadóttur, ritstjóra Skólavörðunnar, sem birt var í Fréttablaðinu 24. ágúst.
Lesa meira

24. ágú. 2011

Kynningarfundir á nýgerðum kjarasamningi KÍ/FL

Hér má finna lista yfir hvar og hvenær kynningarfundir vegna nýgerðs kjarasamnings verða haldnir.
Lesa meira

23. ágú. 2011

Námstefna um notkun Lærum og leikum með hljóðin í skólastarfi og með foreldrum

Námstefna um notkun Lærum og leikum með hljóðin í skólastarfi og með foreldrum verður haldin föstudaginn 23. september 2011 frá kl.13:00-17:00 á Grand Hótel í Reykjavík. Lærum og leikum með hljóðin er fjölbreytt framburðarefni eftir Bryndísi Guðmundsdóttur talmeinafræðing, sem ætlað er börnum, foreldrum og fagfólki til að undirbúa rétta hljóðmyndun og styrkja undirbúningsfærni fyrir lestur.
Lesa meira

23. ágú. 2011

Öndvegisfyrirlesari Hugvísindasviðs

Dr. Noam Chomsky prófessor emeritus í málvísindum við Massachusetts Institute of Technology (MIT), heldur fyrirlestur í Háskólabíói, stóra sal, föstudagur 9. september kl. 15:00. Þar mun Chomsky fjalla um stöðu heimsmálanna, lýðræði, vald og ofbeldi undir yfirskriftinni: ,,The two 9/11s: Their historical significance“.
Lesa meira

23. ágú. 2011

Gagnrýnin hugsun og siðfræði í skólum

Rannsóknarstofa um Háskóla, Heimspekistofnun, Siðfræðistofnun og Félag heimspekikennara munu standa að ráðstefnu um gagnrýna hugsun og siðfræði laugardaginn 1. október næstkomandi í Háskóla Íslands. Efni ráðstefnunnar er efling kennslu gagnrýninnar hugsunar og siðfræði í skólum. Dagskráin hefst klukkan 10:00 og stendur til 15:00. Aðstandendur ráðstefnunnar auglýsa því eftir stuttum erindum fyrir málstofurnar fjórar. Erindin eru hugsuð sem 15 mín. frásagnir af rannsóknum, reynslu eða hugmyndum um gagnrýna hugsun og siðfræði í skólum og fræðastarfi. Senda þarf stutta samantekt af erindinu til Henrys Alexanders Henryssonar á netfangið hah hjá hi.is fyrir 9. september 2011.
Lesa meira

23. ágú. 2011

Opinn umræðufundur um PISA 2009: Læsi á rafrænan texta

Þriðjudaginn 30. ágúst 2011 kl. 14:00-16:00 í sal Námsmatsstofnunar, Borgartúni 7A verður fyrsti fundur vetrarins um PISA rannsóknina haldinn. Hann er opinn öllu áhugafólki um grunnmenntun og grunnskóla.
Lesa meira

22. ágú. 2011

Nýr kjarasamningur Kennarasambands Íslands vegna Félags leikskólakennara við Samband íslenskra sveitarfélaga

Skrifað var undir nýjan kjarasamning Kennarasamband Íslands vegna Félags leikskólakennara og Sambands íslenskra sveitarfélaga þann 20. ágúst síðastliðinn. Boðuðu verkfalli FL hefur verið frestað. Fyrsti kynningarfundurinn verður á morgun í Hofsstaðaskóla.
Lesa meira

21. ágú. 2011

Samið við leikskólakennara

Samkomulag náðist á milli FL og SNS á sjötta tímanum í gær. Samningurinn verður kynntur fyrir félagsmönnum í þessari og næstu viku.
Lesa meira

20. ágú. 2011

Verkfall – nei takk!!

Samninganefnd sveitarfélaga gangið strax að réttmætri kröfu leikskólakennara

Enn eina ferðina stendur kennarahópur frammi fyrir því að þurfa að boða til verkfalls til að ná fram sanngjörnum kröfum sínum, sorgleg staðreynd vægast sagt. Leikskólakennarar grípa nú til þessa neyðarúrræðis í fyrsta skipti eftir að Félag leikskólakennara (FL) fékk samningsrétt árið 1988. Allar götur síðan hefur þessi hópur verið öflugur í kjarabaráttu og sem betur fer komist hjá því að grípa til aðgerða.
Lesa meira

19. ágú. 2011

Stuðningsyfirlýsing frá Leikskólanum Aðalþingi

Leikskólakennarar í leikskólanum Aðalþingi fara ekki í verkfall en lýsa yfir fullum stuðningi við aðgerðir kollega sinna í leikskólum sveitarfélaganna. ... Leikskólakennarar í Aðalþingi lýsa jafnframt yfir vonbrigðum sínum með þá lítilsvirðingu sem störfum kennara er sýnd þegar sveitarstjórnarmenn og og embættismenn halda því fram að hægt sé að halda skólunum opnum án kennara. Slíkar fullyrðingar lýsa ekki einungis vankunnáttu og yfirlæti, þær eru einnig til þess fallnar að hleypa illu blóði í deiluna og eru jarðvegur fyrir vantraust og trúnaðarbrest.
Lesa meira

19. ágú. 2011

Fjölbreytt endurmenntunarnámskeið fyrir listkennara

Listkennsludeild LHÍ býður upp á úrval spennandi endurmenntunarnámskeiða fyrir listgreinakennara í haust undir merkjum Opna Listaháskólans. Námskeiðin eru öll á mastersstigi en þátttakendur geta valið hvort þeir taka námskeiðin til eininga eða ekki.
Lesa meira

19. ágú. 2011

Ályktun stjórnar KÍ vegna kjaradeilu Félags leikskólakennara

Á stjórnarfundi KÍ rétt í þessu var eftirfarandi ályktun samþykkt varðandi kjaradeildu Félags leikskólakennara:
Lesa meira

19. ágú. 2011

Foreldraráð leikskólans Steinahlíðar fundaði þann 17. ágúst 2011 ...

... og samþykkti eftirfarandi yfirlýsingu til stuðnings leikskólakennurum: „Allir kennarar vinna mikilvægt starf. Fyrir það eiga þeir skilið þakklæti okkar, virðingu samfélagsins og sanngjörn laun. Leiðrétting á launum leikskólakennara er bæði mikilvæg og sjálfsögð. Við skorum á viðsemjendur leikskólakennara að mæta þeim af sanngirni og leiðrétta laun þeirra í samræmi við menntun, ábyrgð og laun viðmiðunarstétta þeirra.“
Lesa meira

19. ágú. 2011

Stuðningsyfirlýsing frá Foreldrafélagi Leikskólans Lyngholts á Reyðarfirði

Foreldrafélag leikskólans Lyngholts á Reyðarfirði, styður að fullu kröfur leikskólakennara í baráttu þeirra um bætt kjör. Leikskólakennarar eru fagstétt og ein af máttarstólpum þjóðfélagsins. Við felum þeim daglega fjársjóð framtíðarinnar og um leið ábyrgðarfullt og vandasamt verkefni.
Lesa meira

18. ágú. 2011

Stjórn Félags stjórnenda leikskóla vill koma eftirfarandi á framfæri:

Framtíð leikskóla er stefnt í hættu ef laun leikskólakennara verða ekki leiðrétt. Það er með öllu óviðunandi að leikskólakennarar skuli ekki vera með sambærileg laun og kennarar annarra skólastiga.
Lesa meira

18. ágú. 2011

Yfirlýsing frá Félagi stjórnenda leikskóla

Stjórn Félags stjórnenda leikskóla hvetur félagsmenn sína til dáða í þeim aðstæðum sem geta skapast ef kemur til verkfalls Félags leikskólakennara mánudaginn 22. ágúst nk.
Lesa meira

18. ágú. 2011

Formaður FL hress að venju!

Yfirvofandi verkfall Félags leikskólakennara hefur áhrif víða. Í Morgunblaðinu í dag, 18. ágúst, er fín mynd af formanni FL, Haraldi F. Gíslasyni, þar sem hann ber trommur af miklu afli, brosmildur að vanda.
Lesa meira

18. ágú. 2011

Ályktun frá miðstjórn BHM 17. ágúst

Í ályktuninni kemur m.a. fram: „BHM fordæmir tilburði vinnuveitenda til verkfallsbrota í yfirstandandi kjaradeilu leikskólakennara enda óheimilt samkvæmt íslenskri vinnulöggjöf að ganga í störf þeirra sem eru í verkfalli.“
Lesa meira

12. ágú. 2011

Stöndum með leikskólanum!

Félag grunnskólakennara, Félag framhaldsskólakennara, Skólastjórafélag Íslands, Félag stjórnenda í framhaldsskólum, Félag stjórnenda leikskóla og Félag tónlistarskólakennara styðja leikskólakennara í baráttu þeirra fyrir bættum kjörum og leiðréttingu launa.
Lesa meira

11. ágú. 2011

Starfsmenn óskast

Orlofssjóður Kennarasambands Íslands óskar eftir að ráða tvo starfsmenn, í um 50% starf hvorn, til að sjá um þrif, þvotta, minniháttar viðhald og umsjón með orlofshúsum Kennarasambands Íslands við Sóleyjargötu 25 og 33 í Reykjavík. Umsóknarfrestur er til 15. ágúst nk.
Lesa meira

8. ágú. 2011

Boðun verkfalls

Í samræmi við ákvæði 16. gr. laga nr. 94/1986 hefur Kennarasamband Íslands fyrir hönd Félags leikskólakennara boðað til verkfalls þeirra félagsmanna sem vinna hjá sveitarfélögum og taka laun samkvæmt kjarasamningum Kennarasambands Íslands og Sambands íslenskra sveitarfélaga vegna þeirra sveitarfélaga og/eða samtaka á þeirra vegum sem Kennarasamband Íslands hefur samningsumboð fyrir, sbr. 18. gr. laga nr.94/1986.
Lesa meira

3. ágú. 2011

Hugmyndasamkeppni um nafn á fundar- og ráðstefnusalinn í Heiðarbyggð

Stjórn Orlofssjóðs hefur ákveðið að taka í notkun fundar- og ráðstefnusal í sumarhúsabyggðinni í Heiðarbyggð á Flúðum um miðjan ágúst 2011.
Lesa meira

2. ágú. 2011

Umgengni í orlofshúsum

Að gefnu tilefni vill stjórn Orlofssjóðs ítreka að félagsmenn gangi vel um orlofshús á vegum KÍ. Oftast nær er frágangur leigutaka til fyrirmyndar en að undanförnu hefur verið töluvert um kvartanir yfir slæmri umgengni í húsum sambandsins, sérstaklega húsum í flakkaraleigu.
Lesa meira